“بالعامي الفصيح”.. خروف أصيب بجلطة وصاحبه “يبكته “بالأسئلة
متابعة سويفت نيوز:
تناقل رواد فيس بوك قصة جميلة اعتبرها البعض تشريحا لحالة المجتمع المصري وايضاح لكل مشاكله ممثلة في مخاطبة صاحب الخروف الميت الذي شخصه الطبيب البيطري بأنه “جاته جلطة”
ونقل محمد الغريب ومحسن الحريري وآخرون القصة في شكل حوار استنطاقي من صاحب الخروف لخروفه الميت على النحو التالي:
بعد سماع المواطن المصري تشخيص الطبيب للخروف وأنه أصيب بجلط، أدارالمواطن وجهه للخروف ومسك قرونه وأخذ يكلمه بتعجب وحرقه واستغراب.
جالك جلطه ليه؟
خريج هندسه ومش ﻻقي شغل؟
خريج تجاره انجليزى وواقف فى سوق الخضار؟
خريج أداب وبتسوق تاكسى؟
خريج حقوق وبتشتغل سمسار؟
خريج زراعه وجالك تعيين فى الطرق والكبارى؟
جمعت كل اللى تملكه وأعطيته لإبنك لكى يسافر أوروبا وغرق على شواطئ اليونان؟
مديون ومش عارف تسدد ديونك؟
بتستنى دورك فى التعيين بقالك 10 سنين؟
حبيبتك عايزه تتجوز ومش قادر تخطبها ؟
مش قادر تشتري ملابس لأولادك؟
مش لاقى شقه؟
.
جالك جلطه ليه؟
واخذ قرض ومتورط بالسداد ؟
جتلك فاتورة كهرباء وما قدرتش تسدد ففصلوا عنك الكهرباء؟
رفع اﻻسعار مش عاجبك ؟
جالك جلطه ليه؟
ع المعاش ومعاشك مش مكفي اجار بيتك؟
جالك فشل كلوى من المياه الملوثه ورحت تغسل قالولك ما فيش مكان إنتظر إما حد يموت وأدخل مكانه؟
جالك جلطه ليه؟
بتتفرج على أحمد موسى؟
مرتضى منصور معاه سى دى لحضرتك؟
شوفت حاجه لعزمى مجاهد؟
تامر بسيونى إستضافك فى برنامج له؟
.
جالك جلطه ليه؟
الدولار هتك عرض الجنيه بتاعكم؟
نفسك فى السمك والكيلو وصل 50 جنيه؟
روحت تشترى لحمه لقيت الكيلو ب95 جنيه؟
جيت تشترى أرز ولقيت الكيلو ب 7 جنيه؟
روحت تجيب التموين وقالولك ما فيش إلا جبنه دومتى؟
.
جالك جلطه ليه؟
جالك فاتورة غاز ب150 جنيه؟
جالك فاتورة مياه ب200 جنيه؟
مركب خط نت ب 140 جنيه والنت ما بيجيش؟
نفسك فى التين ومش قادر تشتريه؟
المشمش نزل السوق وخلص وانت ما سمعتش عنه؟
.
جالك جلطه ليه؟
حماتك معكننه عليك؟
إخواتك مش بيزوروك؟
واحده كنت بتحبها وعملت ليك بلوك ع الفيس؟
جالك جلطه ليه؟
جالك جلطه ليه؟
عايز تقولى إنك بتحس عننا؟
روح الله يسامحك…………
