بالعامي الفصيح.. نصيحة طبية: ” اهتمى بنفسك علشان محدش فاضى لك “!
متابعة سمية الشريف:
هذه نصيحه من دكتور مصري بعنوان ” اهتمى بنفسك علشان محدش فاضى لك ”
– كلى كل يوم علبه زبادى علشان تقللى من الفطريات –
اشربي ينسون علشان يزوّد هرمون الاستروجين وصوتك ينعم وبشرتك تتحسن وتزيدى انوثة
-امضغى دايما عودين بقدونس علشان ريحة نفسك تكون احلى
– كل يومين حطى معلقة زيت زيتون على كوب عصير اى عصير واشربيه علشان جسمك ينعم بسبب الفوايد اللى فى زيت الزيتون
– اشربى دايما حليب قليل الدسم علشان يمدك بالكالسيوم وحطى عليه 20 نقطة من ڤيتامين د
– اللى بتاكل العلب المحفوظة والمعلبه والتونه اعرفي انها مليانه مواد حافظة هتجيبلك زهايمر بدرى
– خففي من السكر الابيض علشان بيخلى تجاعيد الوش تظهر بسرعه
– بطلى تتخانقى مع جوزك علشان هو بيتخانق معاكى من هنا ويروح يسهر مع صحابه و انتي تتنكدى وتاكلي في روحك لحد ما ييجى .
– اشربى القهوة مع الشكولاته المرة علشان تحسى بقيمتك شوية وبلاش كل مرة تشربى مشروباتك باردة علشان بتعمليها وتنسى تشربيها من جريك طول النهار ورا العيال
– زودى من شرب الميه علشان بشرتك تتحسن ومش تكون مجهدة
– خدى كل يوم حبة فيتامين سى فوار على نص كوب مية علشان تنور بشرتك
– كل 3 ايام خدى على الريق ملعقة عسل ابيض على كوب مية وبعد ساعه افطرى
– خدى بالك انتى مالكيش قطع غيار ومحدش هيسلفك صحته ولو حتى عيالك نفسهم اهتمى بنفسك علشان محدش فاضيلك
عجبني الدكتور(نصيحة غالية ياستات ) اقرأوا وطبقوا عشان م حدش فاضي
